Ka Ministry of Health and Family Welfare (MoHFW) da pyntip ko wa hadooh ynnin kiwa da yoh ya i dawai yada COVID-19 hapoh ka ri da em ki 2,24,301 ngut.
Ynnin kawa man leh ka sngi wa ar da em 6 tylli ki jylla kiwa pynman yei e dawai, kitæ ka Andhra Pradesh, Arunachal Pradesh, Karnataka, Kerala, Manipur wa ha Tamil Nadu heiwa da em 17,072 ngut kiwa da yoh ya i dawai.
Da kyntu leh ya ki jylla wow e ya i dawai 4 sngi ha ka chi tayaw khnang wow lait u thut i chakri ki thaw sumaar.
Waroh da em 447 tylli ki Adverse Event Following Immunization (AEFI) namo iwa jia khlem da poipyrhat hadien wa e Inject ha ka 16 wa 17 tarik wei na kini 3 ngut da poi Hospital ki wei na kini da pynlait ya ki ar ngut katwa uwi won dang em u ha AIIMS Rishikesh wei man u uwa khlan.
Kiwa boon hi ki AEFI toh kiwa malu malæ kam i kjut wa i at ha i thaw wa dung dawai, i iñdoh, kjut doh, sy’uiñ, klang prai wa i mih khñiang (mild allergic reactions like rashes).
