Jowai : Ki dkhot ka EC ka JHADC hapoh i yahkhmat u ma T. Shiwat wa u Chairman u A. Darnei da hær ki ki cha Delhi yow yaklaam ya kiwa boon ki kaam wa sah hapoh ka JHADC.
Nyngkong da yachem ki wa u secretary ka DONER ha ka 9 tarik u Naveen Verma, heiwa u ma H. Lamin da pynsñiaw u wa emkaam u pyllait noh ya ka 2nd installment yow ye u lai cha khmat u kreh ya ka Iawmusiang Multi Storey Shopping Complex. Heiwa da kular wow chimkhia yeini waroh.
Chooh chooh da yachem wa u Union Home Minister, u Rajnath Singh heiwa da kyntu ya oo wow pynku ya ki chuki ka JHADC na ka 30 cha ka 40 seat, heiwa oo leh da kular u wow chimkhia yeini.
Ynne ka sngi 10 tarik won ki dkhot ka JHADC da yachem ki wa u Arjunram Meghwal MoS Finance heiwa da paan ki yow yabhah poisa maar chi bhah hapoh ka scheme Special Assistance Sponsored Scheme neibhah wa kiwa mih khmat ki ADC kam ka JHADC wa ryngkat ko wa kiwi tawan ki ADC, heiwa ki leh synchaar ki ya ki mar poh khyndaw wa ki mar khloo, hei yatoh wa ka dan wow yoh hok ki. Neiliang u Meghwal da kular u wow chimkhia yeini.
Kani toh katkam ka khubor wa da e da u A. Andrew Shullai, Deputy CEM JHADC.
Discussion about this post