Jowai: Katkam ka kyrwoh khubor wa da phah da u Marius Lamin, Secretary Meghalaya SSA School Association (MSSASA) Amlarem Block Unit, da pyntip wa ka yalang yong kiwa sikai SSA hapoh ka Block Amlarem, West Jaintia Hills District daw man ko ha kani ka 28 tarik uni u bnai hapoh Syiem Jingsuk Higher Secondary School, Amlarem ha i por 11 waje i step.
Ha katai ka yalang daw emlang leh u Aristotle C Rymbai President MSSASA, Central Body wow e yei pynche hajrong ka chithi wa da yoh na u State Project Director, SEMAM (SSA) hajrong ka phang dawa yong ka seiñ wow kyrriah noh ya waroh kiwa sikai SSA hapoh ka jylla kiwa em 12541 ngut wa kynthup ya kiwa sikai Lower Primary wa Upper Primary napoh ka State Implementation Society chapoh Education Department katkam wa da prooid dak yong ka RTE-SSA Norms 2009. Wow e yaka bui (Report) hajrong ka Arrear yong u snem mang tyngka 2016-17, ka chithi wa da yoh na MBOSE hajrong ka Improvement Exams Class 12 neibynta kiwa sikai kiwa da em chwa haka kaam, ki kynrum kynram yong ka Result D.El.Ed yong ka 1st Batch (2013-15) wa 2nd batch (2015-17) nalor kiwi kiwi ki dawa yong ka seiñ na ka sorkar.
Kamtæ da kyrpaad ya kiwa sikai SSA waroh kiwa em hapoh u pood u ang yong ka Block Amlarem wow wan khnang khnang ha katai ka sngi.
Discussion about this post