U Montri Rangbah ka jylla, u Conrad K Sangma daw lai u cha Delhi nadooh ka 7 tarik uni u bnai neibynta wow yaklam syndon yei dawa Inner Line Permit (ILP) ha ka jylla, najrong wow yaklam neibynta kiwi won ki kaam wa emkaam yong ki chnat sorkar waphær waphær.
Hawa kylli, da pyntip u wa ka sorkar daw lai ko dei yong ka hi cha Delhi wa ki kattu kanti ngut ki Montri, tangwa neibynta ki seiñbhalang ki hap ki wow lai yong ki hi manda dep yoh yutip ya i por wa ye u yachem (Appointment). Da pyntip u wa hadooh katni leh ka sorkar dang yang ko yei por wow yoh yachem wa u Amit Shah na ka Home Ministry neibhah wa ka sorkar da yoh pynthikna ko wow yachem du ya 8 ngut ki Montri ka sorkar pyrdi.
U Conrad da pynsñiaw u yei kyrmen wa u Montri Kaam Pohyung ka ri India daw e por u neibynta u yachem ya waroh ki kynhun na ka jylla wow yaklam hajrong ka ILP, deiwa pynrap leh wa neiliang ka sorkar jylla daw kyntu ko leh ya u Amit Shah wow pynlait por neibynta ki seiñbhalang ka jylla.
