I jia wa sariem kamwa leh ki Taliban wow pynchitom bru, da jia i ya kawi ka manbei ha ka 28 tarik ha i chnong Chhotki Ibrahimpur, Pratagarh iwa em ha Uttar Pradesh kawa da chah pynbaad wa yalai ko wa uwi won u bru hanla da em khon em kurim ko.
I Video ya ini wa jia da poor i heiwa ya kani ka kynthai da kdoh ka ha uwi u dieñ, ya u sñiooh ko da ah wei yei dur ko da biah dei sia rong yong wei da sakhi lang ki khon ko ya ini waroh.
Ki paidbah hakhmat ki khon ko da dat ki ka leh.
Kani ka bru da chah pynbaad ko wa da yalai ko wa uwi u khynroo hapoh ka chnong ko wei neiliang ka Panchayat da pynmih hukum ko yow pynchitom ki waroh ar ngut tangwa uni u khynroo da yoh u wow yut katwa kani ka bru da yoh wow kem ka wei da kdoh ka ha uwi u dieñ.
Kani ka bru toh kawa em 3 ngut ki khon wei u khon nyngkong toh uwa em 12 snem i rta.
Ya kani ka bru da pynkieñ syntu leh da ki slipar.
U kurim kani ka bru toh uwa lai kreh cha Mumbai wei da yoh laad ko wow yalai wa uwi won u bru toh na ini i daw heiwa ki paidbah da pynbaad ki wa leh ko yeini deiwa yoo wa yaklam ko wa uni u khynroo.
Yeini wa jia da lai ujor da uni u khynroo hadien wa yoh u wow yut wei da lai kem ki pulit ya 17 ngut wei da phah leh wow em ki pulit ha kani ka chnong.
Discussion about this post