Ha kini ki sngi wa dep da em kiwa boon wa yoh ya ki SMS kiwa da kam toh kiwa wan na ka State Bank of India (SBI) kiwa da ong wa ka YONO Account yong ki toh kawa da chah pyndam wei hap ki wow pyndap ya u Permanent Account Number (PAN) yow krehkaam biang ka SBI YONO Account ki.
Kini ki SMS toh kiwa thok yow chim kabu ya ki bru wei da em leh kiwi ki SMS wa e daw wym biang ka KYC kamtæ da chah khang ka YONO Account heiwa da e ya uwi u Link yow wai yow ye u pynbait yeini tangwa deiwa lai ha uni sdang ki bru wow chah thok.
Neiliang ka chnat sorkar kawa pait ya kam kini ki khubor thok da kyntu ko ya kiwa pynemkaam ya ka SBI YONO wow man kiwa syndong hawa yoh ya kam kini ki SMS.
Da pynkynmoo wa ka SBI ym paan ko iyi iyi i yutip yong kiwa em Account, kamtæ ym toh u jubab lane khana lada em kiwa phah da ki Email, ki SMS kiwa paan yutip chaphang yong phi kamjooh chaphang ki Bank Account.
Ye wow pyntip cha ka SBI deiwa phah Email ha [email protected].
