Ham e laad ya iwon iwon wa khia wa chon wow yah ko chei sdang pynemkaam drugs

Kam chibynta wow pynman yei pynsñiawthooh paidbah hajrong i maa wa mih nei pynemkaam drugs, da pynman ya ka yalang kamjooh ka lai paidbah ynne ha Khliehriat da ka Red Ribbon Club (RRC) ka Jaintia Eastern College deiwa ya krehlang waka Kyrmen Foundation deilang waka Meghalaya AIDS Control Society (MACS).

Da ya wan wow chimbynta chongchit da ki khynnah skur kamjooh kiwa sikai deiwa sdang yei lai paidbah na Khliehriat East Parking Lot wei da pynkut ha madan ka Khliehriat Higher Secondary School heiwa da pynman leh ya ka yalang hajrong ka phang wa ong, “United for a Healthier Future: Combating Drug Abuse and HIV/AIDS” deiwa emlang leh u Montri sorkar, u Kyrmen Shylla kam u kongsan, u Principal ka Jaintia Eastern College, u Dr. P. Nongtdu, ka Programme Manager ka Mih-Myntdu Community Social Welfare Association (MCSWA), Khliehriat, ka R. Patlong, u Cluster Programme Manager ka Meghalaya AIDS Control Society (MACS), Khliehriat, u Sandy Tariang, ki waheh chnong wa kiwi de.

Neiliang u Kyrmen Shylla hawa e yei klam da ong u da emkaam wow phah ya ka Wyrta wa che bha hajrong i drugs nadooh kiwa pynemkaam hadooh kiwa khayi deiwa ya krehlang da waroh wei wow chim kabu leh ya ka Social Media yow pynpoor ya ka khubor khamtam ya ki khynroo yow jied ki da ki kaam wa bha kam ki yalehke Sport iwa e yei chait i khiah.

Heiyatoh won wa kiwa yoh HIV/AIDS da ong u wa ymtoh u yoobeiñ ki.

Related posts

Ym yoh jubab ka WJSU ya ka RTI wa da kylli chaphang i pynchna ya ka madan ha Amlarem

June 2, 2025

Sdang ka bynta wa ar ka Nasha Mukt wow yakhun pyndooh jait yei pynemkaam drugs

June 2, 2025

Ka R. Patlong da klam ko hajrong ka phang “The evil that comes from the use of intoxicating substances” deiwa ong wym toh tang u pyrchang leh deiwa u chah pynbor ha ki lok ki jor næ i eh i chitom ha ka yung ka sem wa kiwi de wa khia wa chon wow yah cha i sdang wow pynemkaam drugs.

Da ong ko leh i kiad kamjooh i drugs ktah ko yei doh i pran wei kamjooh leh yei bor pyrkhat pyrdaiñ iwa hadein wa pynemkaam slem ktah bha ko ya kiwa pynemkaam.

U Sandy Tariang da klam u hajrong ka phang, “The role of the youth in preventing the spread of HIV/AIDS” heiwa da khana u kammon poor u khñiang HIV deiwa khlem da pynemkaam yada hawa yathiah yadem roi, i pynemkaam thyrnia, i snaam wa na ka bei wa em HIV cha ki khon wa dang pun wei da khana u leh ya ki laad sumaar kam na ka Antiretroviral Therapy (ART).

Kamtæ da khut u ya waroh khamtam ki khynnah skur wow saam ya kani ka khubor heiyatoh wa i drugs wei kitu kiwa yoh HIV leh yow wan ki chakhmat yow yoh sumaar.