Ham kheiñke ya u CM yong i uwa da pyndep puræ ya ki kaam poisa poilaiñ na ka College wa em ha London: Wailadmiki  

U MLA ka Jowai, u Wailadmiki Shylla hawa e yei klam ynne ka sngi hapoh ka yung dorbar heiyatoh wow yatai hajrong ka mang tyngka, da e khublei u ya u Chief Minister yeiwa ye u wanrah ha itæ i rukom wa waroh yoh bhah ki chnat sorkar ya ka poisa wa biang hadooh ki khynroo khyllood wa yaleh Sports, ki kynthai, kiwa lai puræ, kiwa tem wa put, kiwa chna phlim wa kiwi de.

Heiyatoh wa i chah klam ka sorkar yei chim ram ko neibynta u wanrah ki kaam pynroi, da ong u wa hawa ka bei chim ram ko, ym em mut wa kwah ko wow pynkhia ya ka yukit ka yung ka sem tangwa yow ye u phah lai skur ya ki khon, u pynku yei rukom im wei ini leh man ko i jooh ha kani ka sorkar.

Heijooh i por da ong u wym toh u kheiñstiñ ya ka CAG Report, tangwa da pynkynmoo u ka yung dorbar wym toh u kheiñke ya u Chief Minister i neibhah da pyndep u yei puræ puthi MBA heiyatoh wa ki kaam poisa poilaiñ namo ka Finance na Imperial College wa em ha London. Wei da yoo leh yei kylla heiwa du ka dan wa yoh ka sorkar da ku ko da le chah na Rs. 1450 klur ha u snem 2017-18, cha la Rs. 4041 klur ha u 2024-25.

I pynlut ka sorkar leh da ku na Rs. 7600 klur cha Rs. 21,800 klur ynnin u snem, wei ini pynyoo ko wa ka sorkar da pnynlut ko wow chna skur, ki College, ki Hospital deilang kiwa boon ki Scheme.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heiyatoh waka Jaiñtia Hills waroh kawi, da e khublei u ya ka sorkar wa da pynlait poisa ko yow booh ya ka Nursing College ha West Jaiñtia Hills waka Government College ha East Jaiñtia Hills. Tangwa da pynkynmoo u ya u Chief Minister wa ka Kiang Nangbah Government College emkaam wow pynheh ka neibhah da pdiang ko ar le chah yeiwa ye ko.

Neibynta kiwa dooh wa duk ha Jowai ki wym em thaw, da kyntu wow chna da i yung neibynta yong ki kamwa da leh ha Nongmynsong.

Yei jhep wa da neh da ki phaw snem ha Mynkjai, da kyntu u wow lai kit noh ki kamwa da leh ha i thaw noh jhep wa em ha Tura.

Da kdaw u leh yei emkaam wow pynchna ya ka Kiang Nangbah Stadium kawa da rim bha kawa da emkaam leh ya u Artificial Turf wa thymme kamjooh ki thaw chongke ki paidbah neibhah heipor wa wan ka Meghalaya Games da hap wow booh da ki thaw chong wa chipor donhi.

Da dawa u leh wow wanrah ya ka Tech Park ha Jowai kamwa da em kawi ha Tura wa ha Shillong wei wow pynchna ya ka Girls Hostel ka Government Girls Higher Secondary School, Jowai.

Lada ye, ka sorkar leh toh u e yarap poisa ko ya ki khynroo khyllood yow lai kreh ki kam ki Apprentice yow maad ki kammon man hawa sdang u kreh iwa daw yarap bha ya ki manda yaleh kreh ki.