Ka Embassy ka India wa em ha Kyiv Ukraine da pyntip ko cha ki nong India wa em hapoh kani ka ri wym toh u lai ki cha kiwon kiwon ki pood wa kiwi ki ri khlem da pyntip wei khlem da ya krehlang wa ki sahep ka sorkar India.
Ya ini da pyntip neidaw wa ki thaw khappood kattæ man ki kiwa dang pynrkhiñ bha wei neiliang ka sorkar India dang yaklam ko wa ki ri kiwa em chajan yow ye kiwa chong chnong wow psiah cha ki wei ki wakreh ka Embassy da chem chitom bha ki wow yarap ya kitu kiwa da poi cha ki thaw khap pood khlem da pyntip chwa.
Da pyntip leh wa kitu kiwa em ha ki chnong wa em cheiliang sepsngi ka Ukraine dang man hi ki kiwa chngaaiñ, kiwa dang biang um, biang baam, ki thaw sah wa kiwi kiwi de iwa emkaam wei dang bha wow neh ha kini ki thaw baar yow lai cha u pood khlem da tip chwa kammon man kini ki thaw khappood.
Ya kitu kiwa em cheiliang mihsngi ka Ukraine da phah ya ki wow neh ha ki thaw wa em ki hadooh wa pyntip da kamwi, wow neh hapoh yung lane ki thaw rieh katwa ye hanla duna i baam, ka um wa kiwi wa emkaam yow lait nei lai i wan cha lait.
