U Symbood Montri Rangbah ka jylla, u Sniawbhalang Dhar da ong u wa i jia ha Thangskoo man iwa sñiawsih hadooh kattæ kattæ iwa da wanrah yei dooh ya ki mynsien bru.
Hawa phah ya ki kyntien sñiawlem cha kiwa ha-yung, u Sñiawbhalang da ong u wa kam ini i por ymtoh wow yaleh Politics.
Da ong u wa ka sorkar da chimkhia ko yeini deiwa phah ya ki bor wow leh yeiwa emkaam khamtam wow pynlait im ya kiwa mynsoo weiwa ka sorkar ym e li ko ya kiwa emkti wow tyngkheiñ ya ka aiñ.
Chooh chooh da ong u wa ye u em i tih mooyong tooh heini heitai tangwa neiliang ka sorkar daw chim ko yei rai wa khor wow pynchitom ya kiwa emkti.
Heijooh i por da ong u wa ka sorkar jylla dang yaklam ko wa ka sorkar pyrdi wow pynyinsur ya ki kyndon tih mooyong katkam ka juk wa katni wei i booh ya i thaw wow heh 100 Hectare da man iwa heh ware wei dang yaklam wow pynkylla ya kani ka kyndon neibynta kiwa khih khian bor.
Discussion about this post