Kat dang mih ki sngi ki bru dang pynjoor ki wow syndong wei wow yada pyn daki yaki hi na u khñiang COVID-19 deiwa bood ya ki kyndon wa da booh da ka chnat i chait i khiah kam wow sap ya ki Mask, wow sait ki kti da ki sabon namo da ki Hand Sanitizer, wow jngai iwi na iwi wa kiwi kiwi ki kyndon.
Neiliang u Dr. RK Verma uwa man kam u Additional Director General of Health Services, Ministry of Health & Family Welfare ka sorkar pyrdi da ong u wa toh u sap ya ki Mask, u dih um-iñ dei langær wei wow sait ki kti dei langær.
Da pynrap u leh deiwa ong wa ymtoh u pynemkaam ware (Overuse) ya ki Hand Sanitizer katkam wa yaklam u Dr. Verma wa ka ANI.
Katkam wa ong ki kattu katni ngut ki stat (Scientist) da kam ki wa i pynemkaam ware ya ki Hand Sanitizers ye i wow pynraw ya ka sniehdoh, kamjooh wow pynyap yaki khñiang kiwa yarap wow pynman yaka sniehdoh wa chait wa miat, ye i leh wow man bih ka la’ær (Alcohol Poisoning) wa kiwi kiwi lada toh ngooid bakla khamtam. Lada ye toh u sait hi yaki kti da ka um wa i sabon iwa man iwa bha dooh.
