Ki khynroo khyllood wa chah kem na Rimpu Bagan kawa man ka Farm House u MDC ka Tura uwa man leh u Vice President ka BJP, u Bernard N Marak, da wanpoi ki wow yaklam wa ki laad pathai khubor ha nongbah Shillong ynne ka sngi wei da pynbaad ki wa da chah pynman blangkñia Politics hawa yatoh wa i jia ha ka 22-07-22.
Kini ki khynroo khyllood da kyrpaad ki wow murieh yei pyrtuid wa i durkhmat ki wei da phla ki leh wa ka Investiagating Officer, ka Mamata Hajong da ong ko wa ym toh u e Vote ki cha u Rimpu (Bernard), deiwa ong ya ki wa lada ki Vote næ ym Vote ki leh daw jop bait u Bernard.
Chooh chooh da pynbaad wa lada klam pyrchah bait ki ya u Rimpu daw yohnong, heiwa da pynsñiaw ki yei lyngngoh ileh wa da wanrah yei thap Vote ya utæ u Rimpu ha ini i kaam.
