Hadien wa chah jied u Rakesh Sangma kam u Chief Executive Member ka Garo Hills Autonomous District Council (GHADC), da mih i pyrchah wa i yakhih na ki seiñbhalang wa ki paidbah ka Ri-loom Garo, wei neiliang ki seiñ da pynbna ki wow pynjoor yei yakhih nadooh ka 8 tarik uni u bnai.
Hawa kylli na u Montri Rangbah ka jylla, u Conrad Kongal Sangma hajrong ini i pyrchah ya u CEM wa thymme ka GHADC, da ong u wa i jied ya u Rakesh Sangma kam u Chief Executive Member ka Garo Hills Autonomous District Council (GHADC) da leh katkam ka synchaar paidbah, wei waroh ki MDC da e ki jar jiar i rai, wei ka sorkar ym kwah ko wow tuklar yeini.
U Conrad da ong u wa ka GHADC kamwa man katni em ko hapyrdi i eh i khoo wa boon, wei man iwa emkaam wa ki paidbah, kiwa kreh ka Council wa ki seiñbhalang wow elaad ki yei krehkaam ka Council yow man iwa lai bait yow lait na iwa eh.
Da kyrmen u wow ye wow pynbait noh ya ini waroh, deiwa pynrap wa ka sorkar da e ko ya i kyrchaan ya ki District Council katwa ye wei u pteiñ wow kyrchaan wei wow krehlang.
Puræ leh: Yoh CEM thymme ka GHADC da u Rakesh Sangma
