I kyrriah yei thaw noh jhep na Marten kawa em ha Mawlai Mawïong hadooh katni dang sahteiñ wot hadien wa da mih i dawa wa da toh u kyrriah noh neidaw wa kani ka thaw ym man de ko heiwa da chlai ko nei jhep wa da wan noh na kylleiñ ka sor Shillong.
Hawa kylli, u Symbood Montri Rangbah ka jylla wa pait ya ka chnat Urban Affairs, u Sniawbhalang Dhar da khana u wa i daw wym pu ye wow kyrriah noh ya ka Marten toh neidaw wym pu yoh laad u pynman ya ka Public Hearin ha i thaw wa thymme.
Da pdiang u wa ka Marten kawa em katni ha Mawiong toh kawa da yang i maa, tangwa da ong won u wa i eh toh wot hawa ka sorkar da yoh ko yei thaw tangwa ki tre chnong won da pynsñiaw ki yei pyrchah.
Da khana u wa haddooh kattæ da jied ya le tylli ki thaw wa kynthup ha Nonghali, Umraleng wa Kyrdemkulai, wei iwa sah toh ya ka Shillong Municipal Board wa ka Meghalaya State Pollution Control Board wow lai pynman ki ya ka Public Hearing deilang wa ki bor District.
Hawa yatoh wa i thaw noh jhep neibynta ka chnong Jowai, kawa da chah ktah bha ha u snem 2022 neidaw wym yoh thaw noh jhep wa paka, u Montri da khana u wa ka chnat daw pynmih biang ko ya ka Expression of Interest (EOI) kawa thymme wei hadien itæ daw thooh thaw.
Discussion about this post