Ka sorkar Arunachal Pradesh da pynkhreh ko wow pynthymme yei pynkrehkaam ya ka Inner Line Permit (ILP) deiwa pynman noh ka kam ka Digital System yow tip ya kiwa na baar jylla kiwa tyngkheiñ kyndon wei yeini da pyntip da u Chief Minister, u Pema Khandu.
Da ong u wa i kreh yow emlang ka Digital System toh kawa da lai chakhmat kattu da jan dap le snem wei dadep wow pynkhreh ya kiwa boon yow sdang noh ko wow krehkaam ha kini ki bnai wow wan.
Deiwa em kani ka Digital System daw tip thij pa thij kiyi kiwa psiah kiyi kiwa mih kiwa em ILP wei daw tip leh kiwon kiwa da sah palat yei por.
Da pyntip u wa nadooh wa sdang uni u snem da em 5000 ngut kiwa da chem kiwa tyngkheiñ ya ki kyndon ILP wei da phah ki wow liwan ki khlem da pait toh kiyi ki jaitbru næ ka niam kamjooh neiwon wan ki.
Da ong u leh wa deiwa ye wow pynman ya ka Digital System daw ye leh wow pynkhlan yei krehkaam ka ILP kamjooh yow man ko kawa khooid wei yow chem ya kitu kiwa psiah pyrchah aiñ wei kiwa sah palat por.
Discussion about this post