Ka Hynniewtrep Youths’ Council (HYC) War Jaiñtia Circle da beiñ joor ko hajrong i chah thombor ha ki nong Bangladesh na i por cha i por ha chnong Darrang kawa me hajan khappood India wa Bangladesh wot ha kini ki por wa em khlam COVID-19.
Ka seiñ da ong ko wa ha 27-06-21 da em kawi ka dukan Wine Store kawa ha khap ka chnong Darrang kawa da chah lute ha ki nong Bangladesh.
Kamtæ ka seiñ da ong ko wa ini i wan thombor ki nong Bangladesh da pynkhian mynsien ko ya ki paidbah wa chong chnong ka thaaiñ, wei hajrong ini da kyntu ya u MLA ka thaaiñ u Lahkmen Rymbui uwa man leh kam u Montri kaam pohyung ka sorkar jylla wow sñiawbha u chimkhia wow booh yei thaw yang ki pulit ha katai ka chnong khnang wow lait na iyi iyi i jia wa sñiawsih.
