Hanla ha ka Election ym em kyrchaan ki ya ka NPP tangwa wan psiah ki neibynta ki kaam pynroi: Prestone

U President ka National People’s Party (NPP) Meghalaya, u Prestone Tynsong da kyntait u wa dei thong ya ki MLA yong kiwi ki seiñ saiñpyrthai wow psiah cha ka NPP, tangwa da psiah ki toh neibynta ki kaam pynroi.

Hawa klam wa kiwa thoh khubor, u Prestone uwa man leh u Symbood Montri Rangbah ka jylla, da ong u wa kiwi seiñ da rem ki wow pynlai ya ka saiñ hima-sima wot pyn hapoh ka seiñ yong ki hi leh.

Da ong u wa ki MLA na kiwi ki seiñ manda psiah ki MLA ki cha ka NPP da mih i pynbaad wa ka NPP da khwe ko da ka poisa wei da mih leh ki klam wa lephaw jait, tangwa da jubab u wa hei yong sakhiat toh wa ki MLA wa chah pynbor ha kiwa yahkhmat wa kiwa jied ya ki na ki Constituency wa ki emkaam ki ya ki kaam pynroi iwa da pynman ya ki MLA wow psiah cha ka NPP, wei da ini i wan psiah ki MLA na kiwi ki seiñ da pynyoo ko deiwa che kdar wa ka NPP toh kawa neibynta wow wanrah ya ki kaam pynroi.

Related posts

Pyrchah ka JHTOA yei thmu pynman Election | Da kyntu ya ki bor District wow chimkhia yow lait u mih i awri awra

February 7, 2026

Na ki 8 ngut wa mynsoo ha Thangskoo kiwa chah sumaar ha NEIGRIHMS em kiwa em hapoh CCU wa ICU

February 7, 2026

Hawa kylli, u Prestone da ong u wa ymtoh u Ronnie wa kwah u psiah cha ka NPP, tangwa ki paidbah kiwa kwah wow psiah iwa pynyoo wa ki paidbah ki jied ki ya ka NPP hanla ym em kyrchaan ki ha ka Election.

Hawa kylli chooh chooh, da ong u wa ka dwar yong ka NPP wai ko ya kiwi ki MLA wa dang em ha ka Liang Pyrchah lada kwah ki neibynta ki kaam pynroi.