Hanla ki sur wa rwai u Zubeen pynmih ki da ki klur tangka, ym em yoh u iyi iyi na ki: Manager

U Chief Minister ka Assam, u Himanta Biswa Sarma ynne da ong u wa da phah hajir ya u Shyamkanu Mahanta wa ki 8 ngut ki nong Assam kiwa sah ha Singapore.

Da ong u wa da phah ya ki wow hajir ki ha Office ka CID ha Guwahati hachwa ka 6 tarik u Naichiphaw.

Chooh chooh u Himanta da ong u wa daw e por ya ki hadooh ka 6 tarik u Khonchonglad (Nov) wei da phah ya ki hajir lyngba ka Indian Embassy ha Singapore.

U Himanta da ong u leh wa da e ya ka Lookout Notice pyrchah ya u Siddhartha Sharma wa Shyamkanu Mahanta lyngba ka Interpol wow khang ya ki wow lai ki cha kiwi tawon ki ri.

U Siddhartha Sharma uwa man kam u Manager u Zubeen uwa da chah maham pynyap ha ki bru paidbah, da kyntait u yei mih khubor wa emkti u hei yap u Zubeen wei da tieñ u leh wow liwan cha Assam wei ymtoh wa rieh u.

Da ong u wa emlang u heipor wa jia yap u Zubeen heipor wa yimpa u wei da yarap u wow leh katwa ye hadooh wow wanrah biang oo cha India tangwa ki bru wa ki khubor wa da mih da smat ki wow kdaw kti ya oo hadooh wym nood de u wow liwan wei da neh u ha Delhi.

Related posts

I pynkut ya ka Durga Puja ha Jowai u phær i na kiwi ki thaw

September 27, 2025

Da wai sa ar tylli ki Flyover ha Guwahati

September 27, 2025

Chooh chooh da ktah bha ko ya oo wa hadooh wym yoh u wow lai thang oo u Zubeen neidaw wa joor tieñ u.

Da kyntait u leh yeiwa mih khubor wa waroh ka poisa wa mih na ki sur u Zubeen u lai ki cha oo wei smat u leh wow pynyoo leh yeiwa emkaam yow yasaaid yeini.

Da pynche u leh wa ki palat 38,000 tylli ki sur wa da rwai u Zubeen da mantre da ki Music Label wa ki Production House heiwa u Zubeen da yoh u kattu katni hajar donhi kam ka bai rwai u. Chooh chooh da pynche u wa kiwi ki sur wa pawnaam u Zubeen toh kiwa da chna da rwai chwa wow emlang u wa u Zubeen wei manda pynmih poisa ki sur wa rwai u Zubeen da ki klur tangka ym jooh em yoh bhah u na ki Producer næ ki Music Label ka Assam.

Kamtæ da sdang da ka Zubeen Garg Music LLP heiwa hapoh kani u Zubeen wa u Siddhartha da ye ki wow pynmih dang du 20 tylli donhi ki sur deiwa mantre u Zubeen 60% ya kani ka LLP wei da yoh ki du kattu katni hajar donhi ha ka chi bnai na kani. Da ong u leh wa smat u leh wow phah ya kani ka poisa wa sah cha kiwa ha-yung ha-sem u Zubeen.

Heijooh i por ong u leh wa u wan u cha Assam tangwa dang joor wa tieñ neibhah ha kini ki sngi wa dep da em boon ki bru wa yalang hakhmat yung u hadooh wa ka bei wa ki diah u da hap yut ki neidaw wa joor tieñ ki wei oo leh da yoh u da ki hajar tylli ki Message wa maham pynyap oo.