Jowai : Ynne ka sngi, ki pulit ka Jowai Traffic kamwa da leh ha kini tayaw wa da dep da e sikai ki ya ki khynnah ka North Liberty Higher Secondary School hei yatoh wa ki aiñ ki Kari kamjooh i hok yong ki kam ki khynnah wow pynemkaam ya ki Footpath wa ki Zebra Crossing. Hei step heipor kamwa 9 waje da e sikai ya ki khynnah ha skur hei yatoh wa kini ki aiñ waroh.
Ynne hanlada man ko ka sngi Musiang ki pulit khlem ran dien da pynman biang ki ya ka Footdrill næ i lai kjat na ki luti lai kjat næ ki footpath wa ki thaw wow kaap chiliang sarok næ ki Zebra Crossing.
Ha ini i Footdrill da chim bynta da ki khynnah ka skur kiwa chong class IX hadooh class XII.
Yeini i lai kjat da sdang nadooh na Thomas Jones Synod College hadooh wa poi ha HK Singh HSS wei da uiñ biang cha New Hill wei da dong biang cha Thomas Jones Synod College.
Ha ini i lai kjat u sarok ha Iawmusiang da man u uwa khynnia bha neibhah ynne ka sngi man ko leh ka sngi yaw ha Jowai heiwa kiwa boon na kylleiñ ka ri-loom Jaiñtia wan dai ki ya ki mar yong ki ha Jowai ynne ka sngi wei da chong dai biang ki harood sarok.
Ynne ka sngi da bood lang leh wa ka kari ka Municipal yow kit ya ki mar kiwa chongdai ha ki luti lai kjet.
Discussion about this post