Jowai : Hadien wa mih boon ki ujor wa ym biang ki thaw noh jhep ha Jowai, ynne ka sngi ki bor ka District da sdang ki u pynyieñ ya kini ki tin noh-jhep hapoh ka Swachh Bharat Mission.
Ya kini ki tin da saam cha ka Sein Raij, Mynthong, Khimusniang, Lumpariat wa kiwi kiwi wei dang du ka Khimusniang donhi kawa da pynyieñ ya ki hadooh katni.
Ynne ka sngi ki bor ka District da sdang ki u pynyieñ ya kini ki tin noh-jhep ha kylleiñ ka Iawmusiang. Da ong wa lada em ki dong kiwa emkaam u booh ya kini ki tin ki bor ka District daw thied ko ya ki.
Neiliang u DC ka West Jaiñtia da kyntu u wow pynemkaam hok ya kini ki tin khnang yow man ka Jowai kawa khooid wa jngiar.
Discussion about this post