Shillong: I ku syndet syndet i dor khydaw-bilat wa pynmih na kani ka jylla Meghalaya na ka T. 280 chadooh T. 400 da ktah joor ko ya ki paidbah ka jylla, tangwa i dor i khyndawbilat wa pynmih naka jylla won kiwa lai cha kiwi ki jylla toh dor i.
Hawa thoh yutip wa bniah na ki kattu katni ngut kiwa kahyi khyndaw-bilat ha Shillong da pyntip ki wa ya i dor da ku i nadooh ki kattu katni bnai wei da e daw ki karkhana wa boon toh napoh ri-loom Jaiñtia toh wa ku u moochuni wa ka bai kit bai lai.
I dor khyndaw-bilat yong ka Star Cement, Dalmia wa Topcem da poi ki T. 400 chi churia katwa ka Taj Cement, Amrit Cement T. 360, ka Maxx cement T. 390 katwa ka Best Cement chong dor ko T. 380.
U Marwari wa kahyi khyndaw-bilat, u Tarachand Jasrasaria da ong u wa ym sñiaw yahap u ya ini i pynku dor ya i khyndawbilat wa mih pyn napoh Meghalaya neibhah kini ki karkhana yoh myntoi ki chiboon naka sorkar jylla nadooh ka bai bordiñ, bai kit wa kiwi kiwi de.
Da ong u leh wa cha kiwi ki jylla i dor khyndaw-bilat ym em da syad ko kamwa man ha Meghalaya khamtam wa boon ki karkhana wa pynmih khyndaw-bilat hapoh ka jylla toh u duna i dor.
Chooh chooh da ong u wa ki kharkhana da e daw ki wa nachwa ka sorkar elaad ko u kit katwa ngait ki tangwa katni da khang ko wa toh u kit 9 Tonne donhi kamtæ da pynku dor noh ki wa joor i lut i bai kit.
Also Read: Emkti ka sorkar Congress wa ki karkhana khyndaw-bilat wow pynmih poisa neibhah u 2018: BJP
Discussion about this post