Kawi ka lieñsuiñ ka SpiceJet wa wan na Delhi cha Shillong da hap hiar syndet (Emergency Landing) ko ha Patna hadien wa sih ko kajiak (Technical Glitch) wei da hiar suk ko ha Jay Prakash Narayan International Airport ynne i step.
Hadien ini da pynkhreh noh da kawi won ka lieñsuiñ neibynta kiwa lai luti da kani.
U Patna Airport Director, u Anchal Prakash da ong u wa ka Delhi-Shillong Flight ka SpiceJet (SEJ-2950) da em i thut ha ka kajiak kamtæ da hap hiar noh ko ha Jay Prakash Narayan International Airport heipor 8:52 waje i step.
Da ong u leh wa kani ka lieñsuiñ da hiar suk ko wei waroh kiwa em hapoh yong ka man ki kiwa biang.
Chooh chooh da ong wa em i thut ha ka yit (Windshield) kani ka lieñsuiñ kawa kit ya 75 ngut ki bru.
Ki dur wa da yoh da pynyoo wa ka yit kani ka lieñsuiñ da sdang ko wow piah ha i bynta wa chong ki Pilot nakhmat.
Discussion about this post