Ki bor ka chnat i chait i khiah da khang ki chipor yaka Tura NEHU Campus yow ye u booddien ya kitu kiwa yachem pateiñ wa kiwa yoh COVID-19 hadien wa em 3 ngut kiwa yoh ya uni u khñiang ha Tura NEHU Campus kiwa kytnthup ya arngut kiwa yabi wa 1 wa liwan kiwa da chem ha ka sngi Bibar wa dep.
Na kini kiwa dang yoh toh u heh ka NEHU u Pro Vice-Chancellor G Saingaiah, uwa da li booh cha ka COVID Ward ka Tura Civil Hospital uwa da chitom chwa na ka High Blood Pressure.
U DC ka West Garo Hills da pyntip u wa ini i khang ya ka NEHU Campus toh neibynta ki ar sngi yow ye u pyndep yei booddien wei yei leh Test.
Da pyntip u leh wa ye u man wa kiwa wanrah ya uni u khñiang toh kiwa liwan ini wa dep.
Katkam ka khubor wa yoh lum wa ini wa dep em u NEHU Professor uwa em cha Hyderabad da liwan u wei da yachem u leh wa u Pro Vice-Chancellor wa kiwi kiwa em hapoh ka Campus kiwa katni waroh da yoh COVID-19.
Neiliang u DC ynne da pynman u leh ya ka yalang deiwa khutlang ya ka District Covid Management Committee wa ka Tura Town Covid Management Committee.
Waroh kiwa yoh COVID-19 ha West Garo Hills ynnin da em ki 14 ngut wa kynthup ya 7 ngut ki BSF.
