Ka sorkar Jammu & Kashmir da rai ko wow khang ya 48 tylli na ki 87 tylli ki thaw uiñke suwari wa em ha kylleiñ ka Kashmir neidaw wa ye u jia biang kamwa jia ha Pahalgam.
Katkam wa da tip tikna wa em wa da pynmih hukum yow phah leh yeini i jooh deiwa phah pynyap ya ki bru chipai wa ki wym toh ki tre chnong ha kini ki sngi wow wan.
Kini ki bru Terrorist kiwa da em ha North, Central wa South Kashmir da pynkhreh ki deiwa rap khor chooh chooh kam chibynta leh wow pynyoo yei pyrchah hadien wa lai tympra ka India ya ki yung ki sem kini ki Terrorist hadien wa jia ha Pahalgam.
Kiwa ye u chah ktah na ini toh kiwa wan na baar, ki bru ka CID, ki Kashmiri Pandits khamtam kiwa em ha Srinagar wa Ganderbal District. Wei neidaw wa katni da em leh i pynpoi luti rel cha kani ka thaw heiwa kiwa kreh toh kiwa boon na baar ka Jammu & Kashmir, ya kini kiwa kreh ha ka Railways leh da phah ya ki wym toh u mih ki cha baar ki thaw sah wa da booh ya ki.
Ka sorkar da phah ko ya ki Anti-Fidayeen Squads kiwa na ka Special Operations Group ka J&K Police yow lai ki cha kini ki thaw uiñke suwari wa kynthup ya ka Gulmarg, Sonamarg wa ki thaaiñ ka Dal Lake.
Discussion about this post