San ngut ki khynnah Manipur da yoh wow lai pynlait ki na kawi ka skur wa em ha Nashik, Maharashtra hadien wa chah lehbeiñ wei chah dat chah pynchitom ki.
Katkam wa chem ka takit, uwi na kini ki khynnah da chah siat haroh u da ka Air Gun.
Kini ki khynnah da lai yah ki cha Maharashtra deiwa kular wow pynlai skur ki dei mynkna tangwa da chah pynchitom chah lehbeiñ ki ha ka skur wa lai ki.
Ya kini ki khynnah da lai li thooh wei da e kti cha ki bei ki pa ki hadien wa tip ki yeini heiwa wa pyntip cha ki bor sorkar, da pyntipu N Uttam Singh, Director ka Social Welfare Department ka Manipur.
Da ong u wa ka chnat sorkar da chimkhia ko yeini wei da pyntip ko cha u Commissioner ka Social Welfare ha Maharashtra yow lai pynlait ya kini ki 5 ngut ki khynnah wei wow takit leh yeini wa jia ya ki kamjooh kammon da lai yah ya kini ki khynnah deiwa kular wow pynlai skur dei mynkna.
Ki sahep ka District Child Protection Unit (DCPU) ha Nashik da lai pynlait ki ya kini ki 5 ngut ki khynnah haka 3 tarik uni u bnai wei da chem ki wa kini ki khynnah toh kiwa da maad chiboon i chah lehbeiñ hadooh wa em uwa uwa chah siat da ka Air Gun.
Ki bor sorkar da lai ki leh wow takit ya kani ka skur wa tip kam ka Shri Swami Narayan English Medium School yow chemdien chooh chooh boi dang em kam kini kiwa jia, da pyntip u Uttam Singh.
Kini ki khynnah da e kti cha ki bei ki pa yong ki da ki bru ka Manipur Social Welfare Department haka 8 tarik uni u bnai.
Discussion about this post