Hap liwan thylli ki warep ka Laskein Block hadien wym yoh symbe kamwa da kular

Ha ka 7 tarik uni u bnai, ka seiñ HNYM West Jaiñtia Hills District da chem ko yei wym yoh symbe ki warep ka Laskein Block na ka yung krehkaam ka District Horticulture Officer kawa em ha Laskein Block hi.

Ka seiñ da ong ko wa hawa yaklam wa kiwa wan chim symbe da pyntip ki wa ki bru yong ka kani ka Office da e ki ya ki da ki Slip Number wei da phah wow wan ynnin ka sngi tangwa manda poi ki ym em tang uwi leh u bru wa kreh wot hadooh 12:00 waje leh.

Da pyntip ki wa neiliang kini ki warep da pyrchang ki wow Phone ya kiwa kreh ha Office tangwa ym em jubab Phone ki hanla da Phone boonsien leh wei da tip won hadien wym e ya u symbe kba ha kani ka sngi.

Neiliang ki warep da sñiaw chrai ki yeini wa leh kani ka chnat sorkar wym em man katkam wa da phah ya ki, kat da kamtæ neiliang yong ka seiñ HNYM West Jaiñtia Hills da phah ko ya kani ka khubor wei da kyntu joor ko leh ya kiwa kreh ha kani ka Office wym hoi u leh ki kamni neini chakhmat wa ktah ko ya ki warep wa wan pynlut por na kylleiñ ki chnong khamtam da chah ktah ki ha ka bai kari neibhah wa wan ki na ki chnong kiwa jngai.

Related posts

Leh chiliang ka sorkar deiwa pynku ya ki kaam uiñke suwari ha Khasi Hills donhi katwa ka Jaintia Hills wa Garo Hills ym yoh bhah ki

November 4, 2025

Em ki bru wa da pynkhreh 5-6 bnai yow wan cha ka Umngot, sñiawkhia u Lahkmen yei ktieh ka wah

November 4, 2025