Ynne i janmiet ki paidbah wa em hajan yung krehkaam u Deputy Commissioner ka West Jaiñtia Hills da sakhi ya i jia wa phylla heiwa ki pulit da hap looid ki da ka chaka (Tyre) ka kari hadien wa sih ka khnap (Clamp) wa pyndait ki ha kawi ka kari.
Katkam ki dur wa ki Video wa phah ki bru cha u Wyrta da yoo wa ki pulit da pyrchang ki wow looid ya ka khnap tangwa hadien wa wymye ki u looid ya ka da hap ki wow looid noh da ka chaka yong ka kari.
Da ong wa kani ka kari Maruti Eeco kawa pynyieñ ha ka Stand Taxi cha Pohchnong kawa man No Parking ya kiwi ki kari khamtam ki yong ki bru samen, neiliang ki pulit da wan pyndait khnap ki ya ka.
Hadien wa u tre da wan su u ya ka kuna (Fine), ki pulit da lai looid ki ya ka khnap tangwa katwa pyrchang u looid ymye ki wow looid ya ka hadooh wa da hap looid noh ki ya ka Tyre ka kari.
Hawa yaklam wa u Traffic In-charge ka Jowai Traffic Police, u H. Lamare da ong u wa i daw wa ymye wow looid ya ka khnap toh wa bakla chabi wei hadien wa da pyrchang kattu katni por da ye wow looid noh ya ka.
