Ka DC ka East Khasi Hills District da pyntip ko deiwa bood yaka hukum ka sorkar Meghalaya lyngba ka Home (Political) Department wa pynmih haka 30 tarik u Khonchonglad (Nov) 2020, ka yung krehkaam ka DC wow e bor (Permission) yow pynman yaki e sikai (Training), ki yalang dorbar chnong, ki Club, ki Association wa kiwi ki yalang paidbah wa pynman da ki bru samen lane da ki seiñ deiwa em hapoh 100 ngut kiwa chimbynta lane chi bhah naka le bhah wa hoi u em ki bru ha ki Hall kamjooh ki thaw wa cha lait iwa deiwa kheiñ ya iwa duna dooh ki bru hadien wa paan bor.
Ya ki yalang yong ki bru haki yung ki sem, ym toh u em palat 50 ngut lane chi bhah naka le bhah lane iwa duna dooh. Daw e bor hadien wa da pait ya i yung da ki Executive Magistrate/Block Development Officer.
Waroh kiwa pynman yalang toh u bood ki thij yaka Social Distancing, u deiñ yaki Mask, u lehkhooid yaki kti katkam ki kyndon wa da booh daka Health and Family Welfare Department, ka sorkar Meghalaya.
Hap wow pynrkhiñ bha yaki kyndon yow lait i ku kiwa yoh khñiang ha kini ki aiom wa pynman yaki lehkmen, ki bia.
Daw wan leh ki Magistrate na ki por cha ki por yow pait lada ym bood yaki kyndon wei daw pynchitom katkam ki aiñ.
