Hadien wa u Montri Rangbah ka jylla, u Conrad Sangma yoo u yei rukom man ki paikhana ha ki thaw sah kiwa yalehke ha ka Meghalaya Games 2022 kawa daw wai pyrda mynstep ha Shillong. Da pynsñiaw u yei wym sñiawhum wei da phah pynbait u yeini.
Neiliang u John F Kharshiing, Working President & Co-Chairman Organising Committee da pynche u wa chwa ini da dep ki wow lai pait ya ki paikhana wei ya kitu ki paikhana ki wym yoo hoi de u pynemkaam da khang tala neibhah man ki leh ki wym em de pynemkaam da slem wei kiwa daw ye u chah tympra hawa dang pynchna ya ka JN Stadium wa katni.
Kamtæ da jied wow pynemkaam du ki paikhana wa dang miat wa kynthup ya ki Bio Toilets wa em hapoh ka Indoor Stadium wa ha Training Hall.
Da pyntip leh wa neibynta ki Hostel kynthai, ki paikhana man ki kiwa miat wei kiwa khooid.
Kamtæ hadien wa boodien yeini hadien wa yoo ya ki dur, da chem wa kini toh ki paikhana wa da dep chwa wow pyntip wym toh u pynemkaam ki wei hawa lai pait yeini ynne i miet heipor kamwa 7:20 da chem wa em na kiwa wan chimbynta kiwa tympiah ya ka dwar wa khang yow lait u pynemkaam ya kini ki paikhana.
Neiliang u John F Kharshiing da phah u leh ya ki dur ki paikhana wa toh u pynemkaam kiwa dang miat.
