Ka KSU da thoh ko cha u Montri ka chnat Puræ Puthi, u Lahkmen Rymbui hajrong i chah dawa poisa kiwa sikai kiwa da dep yaleh ya ka Meghalaya Teachers Eligibility Test (MTET) kawa pynman da ka chnat ini wa dep ha u Naichiphaw.
Ka seiñ da sñiawphylla ko wa kammon kini kiwa da dep yaleh ya ka MTET da em wa Phone ki da ki bru wym tipmit kiwa da kam toh ki wakreh ka Directorate of Educational Research & Training (DERT) ka Meghalaya kiwa da dawa poisa yow man ki kam kiwa da pyndep ya kani ka Exam.
Kamtæ ka seiñ da ong ko wa ini da pynyoo wa em kiwa yoh yei pyrtuid wa i Phone Number kiwa yaleh MTET kiwa em du ha ka chnat Puræ Puthi wei ka sorkar hap ko wow takit wei wow pynche kammoh wa jia ini yow man leh iwa khooid manda pynbna ya ka Result kamjooh wow yada ya kiwa yaleh ya kani ka Exam wei wow pynchitom ya kitu kiwa emkti heini.
Ya ka Result ka MTET da booh wow pynbna ha u Kmaichonglad (Dec).
