Ha ka 16 tarik uni u bnai, u John Abraham uwa man kam u bru wa pawnaam ka ri India nadooh kam uwa ak phlim kamjooh uwa maya ya ka yalehbol wei man u leh u tre ka dhab yalehbol kawa tip kam ka North East United FC da wan u wow yachem ya u Montri Rangbah ka jylla, u Conrad Sangma ha Shillong heiyatoh wow sdang ya ka chlem e sikai yalehbol namo ka Naorth East United Football Academy ha Shillong.
Kamtæ da poor ki khubor ha Garo Hills wa u John Abraham daw wan pait u ya ka yakhun Final ka lympung yaleh bol wa tip kam ka Inter-Mahari Football 2023 wa pynman ha Tura, West Garo Hills kawa da pyndep ynne ka 19 tarik.
Ini da pynchongchit ko ya ki paidbah tangwa da man ko du ka khubor hamsaya heiwa u DC ka West Garo Hills da hap u wow pynche paidbah wym em pynbait wow wan u John Abraham wow sakhi ya kani ka yalehbol.
Chooh chooh da pyntip leh wa kani ka yalehbol toh kawa deiwa dai Ticket wei ki bru wym em Ticket ym yoh ki wow psiah.
Discussion about this post