Hap pynchitom ya ki tre wa pynkrehkaam ya ki karkhana Coke pyrchah ya ka aiñ: High Court

Ki mukotduma pyrchah ya ki karkhana Coke hapoh ka jylla da pteiñ ki wow poi heiwa ynnin ka High Court ka Meghalaya da chong bichaar ko ya ar tylli ki PIL kawi kawa da yaleh da u Monu Kumar katwa kawi won wa da yaleh da u Shailendra Kumar Sharma.

Ha kani ka PIL u Sharma, neiliang ka sorkar jylla da jubab ko wa ym em eh wow khang ya waroh ki Coke Plant kiwa krehkaam pyrchah ya ka aiñ hapoh ka jylla.

Ka High Court da ong ko wa hawa ong krehkaam pyrchah ya ka aiñ mut wa kitu ki wym em License ki wym em yohbor wei lada em License ki leh lada u mooyong wa pynemkaam toh u wym biang ki kot ki sla, kini leh toh u kheiñ wa da krehkaam ki pyrchah ya ka aiñ.

Neiliang ka sorkar leh da mynjur ko wow pait ya kini ki kyndon deilang wa u Justice Katakey uwa da thung wow pait yei tih mooyong pyrchah ya ka aiñ hapoh ka jylla wei heijooh i por yei pynkrehkaam ya ki hukum ka NGT waka Supreme Court wa yatoh wa i thih mooyong yow pyntikna wa kini ki Coke Plant leh ym em pynemkaam ki da u mooyong wa da tih pyrchah ya ka aiñ.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u Dr. Nitesh Mozila, Deputy Solicitor General of India da pyntip u wa hadien wa da pynmih ya ka hukum wow khang ya waroh ki karkhana Coke wa da krehkaam pyrchah ya ka aiñ, neiliang kiwa mantre sakhiat kiwa da pynkrehkaam pyrchah ya ka aiñ ya kini ki karkhana da ye u man wa da yut ki wei da ieh ki ha ki bru wa man kam ki tre chnong lane kiwa kreh kiwa da pynlai ya kini ki karkhana hei bor wa duna wei da ong u leh wa kini ki heh ym toh kiwa eh wow chem neibhah toh ki bru wa da tip bha da kiwa boon.

Neiliang won u Advocate General ka jylla da khut u ya kiwa pynman yei takit wow thooh ya kini kiwa sdang ya kini ki karkhana wei wow pynchitom ki wei da booh leh ya kiwi ki kyndon ha ki FIR wa da em chwa wei da yooluti wow pynchitom ka sorkar ki katkam ka aiñ.

Ka High Court hadien wa da mynjur ka sorkar wow khang ya kini ki karkhana wa krehkaam pyrchah ya ka aiñ, da rai ko wa ya ka PIL u Monu Kumar deilang waka yong u Shailendra Kumar Sharmar wow chong bichaar biang ki ha ka 09-05-23 neibhah kini ki ar tylli ki PIL toh chaphang i jooh i kaam.