Ka Dr. Ampareen Lyngdoh kawa man du ka ka kynthai wa yoh u man Montri sorkar hapoh ka MDA-II, hawa yaklam wa kiwa thoh khubor hadien wa da dep pynman yei pynsmai, da ong ko wa ini toh i sñiaw em yei bahkhlieh wa khroo wei ha ini ka kynti ka NPP da hap ko wow leh yeiwa toh wa biang yow pyndooh noh yeiwa sñiawthooh bakla ki paidbah yei dur ka Party.
Da yooluti bha ko leh wow embynta ha ini i pynthymme ya ka NPP kamjooh leh wa kiwa da krehlang hapoh ka MDA-II wei ym em yooluti ko wow em i ya sñiawthooh bakla neibhah da dep ya krehlang chwa ha ki 5 snem wa da lai.
Da ong leh wa ki kaam wa da yaklam wa dang sahteiñ da slem hapoh Meghalaya toh u pynbait ki iwi hadien iwi yow pynskem ya ka thaaiñ Khasi Hills khamtam neibhah i rukom rai i paidbah toh iwa pra bha hadien wa kut ka Election wei yookhuslai, kamtæ waroh ki Party toh u ya rai ki wow lai lang chakhmat neibhah ym hoi u e laad u suki i roi i paar hapoh ka jylla deiwa ya krehlang neibynta ka jooh ka thong.
Chooh chooh da ong ko wa ym dooh hi i em i ya sñiaw yaphær hei rukom pyrkhat tangwa ini ym toh u ktah ko yei heh i san ka Meghalaya.
