Kawi ka manyung kawa na Bihar kawa lai cha Goa da chem pap ki hadien wa sahkut ki chi miet ha iwi i khloo ha Bheemgad, Khanapur wa haap hapoh ka Belagavi District ka Karnataka hadien wa bood ki ya ka Google Maps.
Ini i chem pap kani ka manyung toh wa bood ya ka luti wa tbian lyngba i khloo Shiroli wa Hemmadaga deiwa ngait ya ka luti wa kdaw ka Google Maps wei khlem poipyrkhat hadien 8 Km da sahkut ki hapyrdi i khloo neidaw wym lait luti de.
Najrong wa wiar luti da ban sa i wym em Mobile Network wow yoh u bood luti da kawi wow mih na ini i khloo.
Kamtæ kani ka manyung da neh ki chi miet hapoh kari hapyrdi i khloo.
Mar sdang che i step da lai kjat ki 4 Km wow yoh Mobile Network wei da Phone ki ha u Emergency Helpline 112, heiwa da wan yarap ya ki da ki pulit wow mih na i khloo.
Kam wow pynkynmoo heini ha u bnai wa dadep da yap le ngut ki bru hadien wa bood ya ka Google Maps deiwa haap ki najrong ka yingkieñ wa dang chna ha Bareilly District ka Uttar Pradesh.
Discussion about this post