Ka i/c Deputy Commissioner ka West Jaiñtia Hills da pyntip ko wa neiliang ka North Eastern Electrical Power Corporation Ltd. (NEEPCO) da phah chithi ko wa Khandong Dam kawa em hapoh ka Kopili Hyrdo Power Station da sdang ko wow chlai.
Neidaw wa pteiñ i joor slap ha kini ki sngi ha ki thaw wa em chajan, ka um hapoh ka Kupli Reservoir da em ko palat ya iwa u kset ka (719.33m) wei waroh ki 7 tylli ki Gate kattæ toh kiwa da wai yow lait nei chlai ka Dam.
Yei rukom pynlait um daw pyntip neipor cheipor lyngba ka Mobile Phone wa ki WhatsApp Group.
Kamwa man kattæ ka um ym pu em ware ku ko najrong ka Dam tangwa da kyntu ya kiwa chong chnong wow man ki kiwa syndong heipor wa pynemkaam ya ka wah wei wow pyntikna wa ki mrad wa ri ki em ki cha jngai manda wan ka um wa pynlait.
Ki bru paidbah kiwa kwah wow tip yei rukom pynlait um ye ki wow Phone ha kini ki Number: 9365341632, 8414828124, 9954245565.
Da phah leh ya u BDO ka Laskein C&RD Block wow pyntip paidbah u hajrong ini yow man kiwa chong chnong kiwa da pynkhreh yow lait u jia iwon iwon wa sñiawsih.
Discussion about this post