Ynne i step, u PM Narendra Modi da chongknor u ya ka yalang wa jrong ar kynta yow pyrkhat wei pynkhreh heiyatoh wa ka khlam COVID-19 kamjooh yei e tika.
Ya u PM da khana ya oo yei long i man ka khlam ha pyrthai deiwa khana leh yei boon ki ri wa da wan ka khlam da boonsien nadooh wa sdang heiwa neiliang u PM da yaklam u leh hajrong katwon ngut boon kiwa chah ktah na kiwa chah Test kawa tip kam ka Positivity Rate.
Da booddien u leh yei lai e tika deiwa lai na iwi i yung cha iwi ‘Har Ghar Dastak’. Da ban joor u leh yei emkaam wow chim noh yei bhah wa ar i tika wei ym toh wow pynslem.
Ki heh ka chnat i chait i khiah da khana ki leh ya u jait thymme wa da kylla u khñiang khlam wa tip kam u ‘Omicron’ deilang wa kammon ktah wei rukom man uni u khñiang katkam wa da chem cha kiwi ki ri. Wei da yaklam leh kammon ye u wow ktah ya ka ri India.
Neiliang u Modi hajrong ini da ong u wa emkaam wow man kiwa da pynkhreh bha wa da em ini i maa wa thymme wei ki bru leh hap ki wow man kiwa syndong bha wow yada deiwa deiñ ya ki Mask wei wow leh ya ka Social Distancing.
U Modi da ong u leh wa emkaam bha wow pait ya waroh ki lieñsuiñ wa wan na baar ri, wow leh yei Test katkam ki kyndon, wei wow tip u jied kiwon kiwa em hei maa heijooh i por wow pyrkhat biang ya ki kyndon wa da chah u psiah chapoh ka ri hadien wa da em ini i sabut wa thymme.
Najrong wow pynbiang ya ki dawai dachin, u Modi da phah u leh wow pyntikna wa waroh ki PSA Oxygen Plant wa ki kor Ventilators toh kiwa krehkaam.
Ha kani ka yalang wa emlang leh u Rajiv Gauba, Cabinet Secretary, Dr. V.K. Paul, Member (Health), NITI Aayog, u A.K. Bhalla, Home Secretary, u Rajesh Bhushan, Secretary (MoHFW), Secretary (Pharmaceuticals); Dr. Rajesh Gokhale, Secretary (Biotechnology); Dr. Balram Bhargava, DG ICMR; u Vaidya Rajesh Kotecha, Secretary (AYUSH); u Durga Shankar Mishra, Secretary (Urban Development); u R.S. Sharma CEO NHA; Prof. K. Vijay Raghavan (Principal Scientific Advisor ka sorkar India) deilang wa kiwi ki sahep sorkar.
