Ka sorkar jylla lyngba ka chnat Home (Political) da pynmih ko ya ka hukum ynne heiwa da kdaw ko ya ki kyndon wa yatoh wa ki Car Pass neibynta ki kari samen ki bru wa krehkaam sorkar.
Ka hukum da ong ko wa ki sahep wa kiwa kreh ka sorkar jylla kam ha Civil Secretariat wa ki Directorate emkaam wow yoh Pass ki neibynta ki kari samen yong ki deiwa yaleh (Apply) na ki khlieh yong ki chnat (Head Of Department) yong ki wei ya ka thup yong kiwa yaleh Pass toh u phah cha ki jar jiar Deputy Commissioner.
Ki sahep wa kiwa kreh yong ki yung krehkaam ki Deputy Commissioner wa kiwi ki chnat ha ki District ye ki wow paan Pass neibynta ki kari samen yong ki na ki yung krehkaam ki Deputy Commissioner.
Kiwa kreh ha ki chnat ka sorkar pyrdi wa ki Bank ye ki wow yaleh wow yoh Pass neibynta ki kari samen yong ki na ki khleh ki chnat (Head of Department) yong ki hi wei ya ki thup wa ki yutip yong ki Pass toh u e cha ka yung krehkaam ki Deputy Commissioner yow yoh ya ki Pass.
Chooh chooh da ong wa ha kini ki Pass toh u em i pytuid, kyrdan waka chnat wa kreh kamjooh leh ka chaap (Seal) yong ki sahep wa e ya kini ki Pass.
Heijooh i por da ban joor wa kini ki Pass u e ya ki neibynta chi tayaw chisien e wei u krehkaam ki du hapyrdi 9:00 waje i step hadooh 8:00 waje i miet, ya kini ki Pass toh u pynkrehkaam neibynta ki kaam sorkar donhi.
