U Sanjay Kumar Agarwal, Chairman ka Central Board of Indirect Taxes and Customs (CBIC) ha ka 26 tarik uni u bnai da wan wai u ya ka Solar Street Light Project neibynta ki soo chnong kitæ ka Mawjrong, Dympep, Laitsohpliah wa Sohrarim kiwa em ha East Khasi Hills District kiwa da jied da ka CBIC.
Neiliang u Sanjay da pynsñiaw u yei kmen wa ka CGST deilang ka Customs Zone da chim ki ya kani ka laad yarap deiwa e da ki Solar Street Light kiwa ym da emkaam wow pynlut por u pait wow summar ki.
Da yaroh u leh yei smat u krehkaam neibhah da ye u leh yeini hapoh 14 sngi hei lut wa Rs. 9 lak nadooh wa pyrkhat nyngkong hadooh wow pyndep yei kaam.
Neiliang u MLA ka Sohra Constituency, u Gavin M. Mylliem da ong u wa ini toh iwa sñiaw sarong wei kmen wei da e khublei u leh ya ka CBIC kiwa da e ya kini ki Solar Street Light neibynta kini ki soo tylli ki chnong.
Neiliang u JP Kharkongor uwa man kam u waheh chnong da ong u wa ini daw yarap ko ya ki chnong yong ki ym du ya kiwa chong chnong tangwa kamjooh leh ya kiwa wan uiñke yow chngaaiñ i lai i wan.
Kini ki chnong kiwa em kamwa 600 ngut kiwa chong chnong toh kiwa boon ki warep wei katni da sdang ki wow wai ki dukan dai baam neibynta kiwa uiñke suwari tangwa ki luti syngkieñ ki ym em Street Light ki.
Ka yung krehkaam u Commissionerate of Customs (Preventive), Shillong hapoh ka Guwahati Zone, da leh ki yeini kam chibynta ka Swachhta Action Plan hapoh ka Special Campaign 3.0, wei da pyndait ki 49 tylli kini ki Solar Street Light ha kini ki 4 tylli ki chnong ha ki bynta wa emkaam kiwa da jied da kiwa chong chnong.
Discussion about this post