Ki pulit ka Ri-Bhoi District hadien wa hapoh 24 kynta yoh ki wow kem ya u Iainehskhem Kharsati (22 snem) uwa na chnong Kalapangti iwa dang haap hapoh ka Mawlasnai Police Outpost uwa man leh uwa da phla wa nyngkong slaitbor wei pynyap u ya ka khynnah wa dang 13 snem.
Da pyntip wa neiliang ki pulit u Chargesheet ki hapoh 14 sngi hadien wa da pyndep ya waroh katkam ka aiñ.
Najrong ini da pyntip leh wow pynman da ka Fast Track Trial yow ye u rai pynrem oo hapoh 3-4 bnai.
Chooh chooh da pyntip wa yei pyrtuid uni u thap leh hapoh ka National Database on Sexual Offenders (NDSO).
Ki pulit ka Ri-Bhoi da phah ki leh yei sñiawlem cha kiwa ha-yung ha-sem kani ka khynnah ha kini ki por wa maad ki yei sñiawsih yow ye u yoh mynsien yow man kiwa khlan.
Discussion about this post