Khliehriat: Ka Joint Action Forum (JAF) kawa kynthup ya ka Southern Border Youth Welfare Association (SBYWA), Jaiñtia Youth Federation, East Jaiñtia Hills (JYF-EJH), Jaiñtia Students Movement- Eastern Region (JSM-ER), Northeast Indigenous People Federation-Southeastern Border Region (NEIPF-SEBR) ryngkat ki Secretary chnong yong ki soo chnong wa kynthup ya ka Umsatai, Ladwahwapung, Deinsatlang, Pynurkba ha ka Executive Committee kawa man ynnin ka 6 tarik da chim ko ya ka rai wow pteiñ i pyrchah ya i thmu wow chna ya ka karkhana Coke ha kani ka thaw.
Ka JAF da rai ko wow e por hadooh ka 14 tarik uni u bnai ya ka JHADC wa kamjooh leh ya ka sorkar lyngba ka chnat Forest and Environment Department ka sorkar jylla wow pyndam noh ya ka NOC kawa da e cha ka M/s Unique Industry kawa thmu wow chna ya kani ka karkhana ha Wah Deinling.
Chooh chooh da rai leh wow pynman da ka Mass Campaign ha ka 17 tarik uni u bnai lada ka Council ym mano ko yei dawa ka Forum.
Ya kani ka Campaign daw leh ryngkat ki kyndon yong ka sorkar lyngba ka chnat i chait i khiah (Health Department) heiwa daw paan bor chwa na u Deputy Commissioner ka EJHD chwa wow pynman ya ka.
Kani ka Mass Campaign toh kam chibynta wow pynsñiaw yei pyrchah yei booh ya ka Unique Industry Manufacturing Unit ha Wah Deinling kawa haap hapoh u pood ki soo chnong.
