Jowai: Hadien wa ka seiñ JSM da yoh ko ya ka ujor na ki paidbah hapoh ka thaiñ Khliehriat, wa ka ATM yong ka Khliehriat SBI Branch ym jooh krehkaam ko, ka seiñ hapoh i yahkhmat u Publicity Secretary u Skhembhalang Dkhar da lai yachem ko ya u Branch Manager ka SBI Khliehriat u L. Bori.
Ha i yachem neiliang u Bori da kubur u wa kani ka ATM boonsien ym em u krehkaam ko neibhah wa neidaw wa em ko hajan luti lai kjat kamtæ manda slap ka um psiah ko chpoh i thaw wa em kani ka ATM iwa da pyndik ya kani ka ATM wa ya ka bordiñ.
Da khana u leh ya kiwa boon ki daw wa eh u wai ya kani ka ATM wei da kular u leh wow kyrriah noh ya kani ka ATM cha kawi tawon ka thaw iwa biang khnang wa ym thut de i rukom krehkaam ko.
Heijooh i por ka SBI da kular ko leh wow pynmankaam noh yeini waroh hapoh 3 bnai wei ka seiñ da kyrpaad ko wow pynman yeini hapoh ar bnai.
Kamtæ ka seiñ da kyrpaad ko ya ki paidbah wow man ki kiwa yaichah hei yatoh wa ini.
Discussion about this post