Hapoh 25 minit pynpoi dawai u Drone na Nongstoin Hospital cha Maweit PHC

Ka TechEagle- kawa man ka karkhana na Gurugram kawa chna ya ki Drone da yakrehlang ko wa ka sorkar jylla Meghalaya wa ka Smart Village Movement (SVM) wow sdang ya ka Hybrid e-VTOL Drone kawa nyngkongdooh wow pynpoi ya ki dawai cha ki thaw wa jngai. 

Ya kani ka Drone da pynhær na Nongstoin District Hospital cha Maweit PHC heiwa da leh kamni:

1. U Doctor ha Nongstoin District Hospital da e u ya ka synduk dawai cha ka TechEagle Team wow thap hapoh ka Drone. 
2. Hadien wa thap ya ka synduk dawai ka e-VTOL Drone AquilaX2 da hær ko na Nongstoin District Hospital kam ka Helicopter wei da kylla ko kam ka lieñsuiñ (fixed wing assenger aircraft) hadien wa poi ko kattu katni hajrong ha suiñ.
3. Kani ka Drone da hær jngai ko hadooh (aerial distance) 25 Km ha i speed wa 90 Kmph wow poi ha Maweit PHC.
4. Mar poi ko ha Maweit PHC, da kylla (Convert) ko kam ka Helicopter chwa wow hiar ha kani ka thaw sumaar. 
5. Ki bru ka TechEagle da sai ki ya ka synduk dawai wow e ha ka Maweit PHC. 

Ka TechEagle’s e-VTOL Aquila X2 da hær luti ko wow pynpoi ya i dawa ha i jngai kamwa 25 Km wei hapoh 25 minit donhi. Ki Drone neini chaphrang daw yarap ko chiboon ya ki 18,50,000 ngut kiwa chong chnong ka Meghalaya.

Kani ka Drone daw ye ko u pynpoi ya ki tiar wa ye u yada ya ki mynsien bru nadooh ki dawai, snaam wa kiwi kiwi hapoh i por wa biang. 

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Montri Rangbah ka jylla, u Conard K Sangma, hawa e i klam da ekhublei u ya ka TechEagle, Smart Village Movement wa ka chnat i chait i khiah wa da ye wow pynkreh ya kani ka kaam. 

U Vikram Singh Meena, Founder & CEO ka TechEagle da ong u wa na suiñ toh ka luti wa suk dooh wow poi smat cha ki thaw khamtam ha ki thaaiñ ri-loom wei kani man ko ka sngi ka wow sahkynmoo ya ka TechEagle kawa chna ya ka India Hybrid e-VTOL. Da ong u wa deini da ye u pynduna yei por wa lai na ka 4 kynta cha ka 25 minit. 

U Tulenam Laloo, Project Lead, Healthcare ka Smart Village Movement, Berkely Haas, da ong u wa i pynemkaam ya ki Drone ha i chait i khiah daw ye ko u pynpoi ya ki tiar sumaar cha ki thaw wa jngai heiwa ka Meghalaya wa ka thaaiñ mihsngi daw myntoi bha ki na ini i kaam.