Hapoh 31 tarik e por kiwa sikai ya ka sorkar wow pynku tulop

Shillong : Ki 878 ngut kiwa sikai 4^th Teachers kiwa wan yachimbynta ha ka yalang paidbah hapoh ka satri yong ka Meghalaya SSA School Association (MSSASA), ka 4^th Teachers Committee, ynne ka sngi da chong kylleiñ mynngor ki hakmat ka yung krehkaam ka Directorate of School Education & Literacy (DSEL) heiwa da pynsñiaw ki chisur yei pynrem ya ka sorkar MUA-II.

Yeini da leh neidaw wym ye ka sorkar u pynku tulop ya ki 1521 ngut kiwa sikai 4^th Teachers ha ki SSA Upper Primary School hapoh ka jylla.

Da chim leh ya ka rai wa lada ka sorkar ym ye ko u pynhun yei dawa hapoh ka 31 uni u bnai daw pynjoor chooh chooh ko ya i yakhih deiwa lai paidbah kiwa sikai chirrup wa ki khon ki ha Shillong.

U Aristotel C. Rymbai uwa man leh u President ka MSSASA seiñbei ha kani ka sngi da beiñ joor u ya ka sorkar deiwa ong “nadooh u snem 2013 i da pynsñiaw i cha ki chkoor ka sorkar wow pynku tulop ya ki 4^th Teachers tangwa ka sorkar heh ko du hei kular donhi khlem leh yei kaam”.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da kylli u leh na u Dr. Mukul Sangma wa nei yi i daw mih kiwa sikai wa tip kam ki 4^th Teachers du haka jylla yong i ha ki 1521 tylli ki skur SSA Upper Primary School katwa kam kini ym em ki cha kiwi tawan ki jylla hapoh ka ri.

I slem ka sorkar wow chna ya ka Education Policy wow yada yei hok yong kiwa sikai da che kdar yei wym ye ka sorkar u kreh wei leh stiñ ka sorkar wei hadooh katwon sien haap mih kiwa sikai wow dawa yei hok yong ki.

U HM Marbaniang uwa man kam u Chairman ka MSSASA 4^th Teachers Committee da ong u wa “kiwa mihkhmat kiwa da jied ki paidbah u man ki kam kiwa yasait yei hok yong ki paidbah hapoh ka yung dorbar thaw aiñ kawa dang lai chakhmat katni katwa yei chitom kiwa sikai ym pu em u yaklam ki, kamtæ kynmoo ha u snem 2018 ham wan paan vote de na i.”

Ha kani ka sngi da em leh u E. Kurkulang, u President ka BJP Youth Wing uwa wan yachim bynta heiwa da kyrchaan u leh yeiwa dawa ki 4^th Teachers wei da beiñ joor u ya ka sorkar MUA II, kawa suki kiaw yei eh i khoo wa yachem kiwa sikai.

Da ong u leh wa kiwa sikai toh ki chrot wa seiñdur ya ki khon yong i hapoh ka jylla waroh kawi wei lada toh ka sorkar wow pait yeini toh u wanrah ko ya ka Education Policy wa paka wa kawa janai wow yoh myntoi ki khynnah kamjooh kiwa sikai, wei da pynkut u deiwa da ong wa ka BJP da e ko i kyrchaan wa pura hei yatoh wa ini i yakhih kiwa sikai.