Hapoh 6 bnai u pyndep ya ka Entry wa Exit Point ha Mendipathar: Conrad Sangma

Shillong: U montri rangbah ka jylla, u Conrad Sangma chirup wa u montri ka chnat Sports, u Bantiedor Lyngdoh da lai sylli ki ya ka Entry and Exit Point Cum Facilitation Centre ha Mendipathar Railway Station, North Garo Hills.

Ha ini i lai sylli da emlang ki sahep ka chnat Transport, Tourism wa ka District Administration.

U Conrad hawa e yei klam da ong u wa i kaam wow chim ya i thaw wa i kreh da man i iwa lai chakhmat wei da phah leh ya ka PWD Building wow chna yeiwa emkaam wei i kreh toh u pyndep hapoh ynru bnai. 

U Bantiedor Lyngdoh da ong u wa ka sorkar MDA kreh ko neibynta ki paidbah wei u pyntikna wow pyndep ya ki Entry wa Exit Point neibynta ka jylla waroh kawi.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Ha ini i sylli u Conrad da ngam yillu u leh kammon yoh myntoi ki paidbah ka North Garo Hills, khamtam kiwa rep na ka luti rel khamtam wow pynlai yaaw ya ki mar yong ki.

Ki sahep da pyntip ki wa i toh dor wow kit tiar da ka rel da yarap ko chiboon ya kiwa khayi neibhah da boon wa pynemkaam ya ka rel wow pynkit mar.