U Deputy Commissioner, East Jaintia Hills da pyntip u cha kiwa chong chnong ka District wa katkam ka hukum ka Supreme Court ka India lyngba ka mukotduma Writ Petition (Civil) No. 539 of 2021, wa waroh i su bai lutsan (Ex-Gratia) toh u wan kam ki hapoh 60 sngi nadooh wa khlaad neidaw u COVID-19 chwa ka 20-03-2022.
Katwa kitu kiwa khlaad hadien ka 20-03-2022 won hap u wan kam ya ka bai lutsan hapoh 90 sngi nadooh wa khlaad na u COVID-19.
Kiwa wan kam toh u rah ki ya ki kot ki sla wa emkaam wa yoh na yung krehkaam u Deputy Commissioner wa kynthup ya ka Application, ka Death Certificate wa toh u e na kiwa pait ya ini i kaam yow pynsakhiat yei daw wa yap, ka Bank Account, EPIC wa ki Phone Number.
