Hapoh ar sngi wa poi ha Shillong sdang kawi wow khrong deilang wa i khon kynthai

Ka Khasi Students’ Union-Laban Circle deiwa emlang ki dkhot ka KSU Mawprem Circle da yoh ki wow phah pynuiñ ya 4 ngut ki dkhar Muslim kiwa kynthup ya 2 ngut ki khynnah wa psiah pyrchah aiñ cha ka jylla.

Kawi toh ka manbei kawa chem nyngkong na Laban, Laststop katwa dang khrong poisa ko wa ka khon ko na ki dukan ha Laststop wei manda takit da chem wa dang wan ko dang ar sngi cha Shillong wei ym em ko ya ka EPIC tangwa em ko ya ka Aadhaar Card wa yoh na Uttar Pradesh.

Kamtæ neiliang ka seiñ da lai pyntip ko cha ka Laban PS wei hapoh thanat da phla ko wa sah ko ha Cantonment Area ha Jhalupara, kamtæ da phah ya kani ka bru cha Jhalupara Outpost hei ryngkat i synraan ki dkhot ka seiñ.

Manda lai yah ya kani ka bru cha Cantonment Area ha Jhalupara da chem wa em ko u kurim wei da sah ko pyrchah aiñ hapoh i thaw Cantonment hei yung tymmoh chiliang khlem da yoh bor na kiwon kiown.

Related posts

Chah baam ki dukan wa em ha Ladrymbai hei diñ

December 27, 2025

Wai ka Caroline Colony Jowai ya ka luti lai kjat wa 543 tylli ki rana wa poi chajan ka yingkieñ Myntdu

December 27, 2025

Kamtæ ka seiñ deiwa synraan ki pulit ka Jhalupara Outpost da beh ki ya kini ki dkhar Muslim deiwa pynkit ha ka kari yow lai liwan ki cha ka chnong wa wan ki.