Hapoh chi snem booh thong ka sorkar wow pyndep ya ki 10 tylli ki sarok wa chongdor T. 550 klur tam

Ka sorkar da booh thong ko wow pyndep hadooh 10 tylli ki sarok wa 2 tylli ki yingkieñ hadooh u Kmaichonglad (Dec) 2022, wei kini ki kreh haap ki hapoh ka Meghalaya Integrated Transport Project wa da mang poisa lyngba ka World Bank ha i lut wa T. 554.67 klur wei i jrong yong kini ki sarok waroh man ki 262.4 KM.

U Symbood Montri Rangbah ka jylla wa pait ya ka chnat PWD (Roads), u Prestone Tynsong da khut u ya ka yalang ki sahep sorkar, ki Engineer wa kamjooh ki Contractor wow pyntikna wa ya kini ki kreh daw ye u pyndep ha i por wa da booh heiwa da em ki kreh ya kiwa ki Work Order da e ha u snem wa dadep wei em kiwa da e ha uni u snem.

Da ong u leh wa ki sarok kynthup ki ya 5 tylli ha Garo Hills wa 5 tylli ha Khasi-Jaiñtia Hills katwa ki yingkieñ won mar kawi heiwa da pynsñiaw u wa manda dep ya kini ki kreh daw man ki kam i kyrkhu wa khroo ya ki paidbah ka jylla.

Heiyatoh wa i eh i khoo wa chem hawa chna sarok, u Prestone da ong u wa ki Contractor chem chitom ki wow yohbor na ka chnat Forest wa kamjooh leh ya ka Environment Clearance wa na ka Pollution Control Board, heiwa da pyntip u wa ha ka tayaw wow wan daw khut u ya waroh ki sahep wow pynsmat ya ki NOC khnang wow yoh u sdang noh ya ki kaam wow ye u pyndep hapoh i por wa da booh.

Related posts

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Pdiang ka sorkar yei pynche u Sniawbhalang, ki wym hun ye ki wow lai tih chooh: Prestone

May 21, 2025

Hajrong i e daw na ka khlam COVID-19 wa i chah pyndik kiwa kreh mylla, u Prestone da ong u wa ka sorkar dadep pynlait ko ya ki kreh waroh wei chong sa ha ki Contractor wow pyntikna wa ki wakreh ymtoh u yakhleh ki wa kiwa chong chnong khnang wow yada na i yabi kani ka kjut. Heiyatoh wa kiwa mylla, da ong u wa ka sorkar da e ko leh ya ki Labour License ya kiwa mylla kiwa hap wow pynthymme man ka 6 bnai.

Heiyatoh won wa u sarok na Mawngap Mawphlang, Weiloi Mawkyrwat cha Ranikor, u Prestone da ong u wa ka sorkar India da pdiang ko wow pynhaap ya kini ki sarok hapoh ka National Highway wei da pyntip u wa em hadooh 5 tylli ki sarok ha ka jylla wa da mynjur wow man ki kam ki sarokbah da ka sorkar India tangwa ya ini dang phah sangeh chwa neidaw wa dang pyrkhat kammon u pynlai ya ka mang poisa.

Chooh chooh da pyntip u wa ka chnat PWD yong ka Jylla da ekti ko cha ka National Highways Infrastructure Development Corporation Limited (NHIDCL) wow pynkhreh noh ya ka Detail Project Report (DPR) yong u sarok na Mawngap cha Ranikor, tangwa hadien wa da yoh ya ka chithi na ka Ministry of Roads Transport neiliang ka jylla da hap sangeh chwa ko hadooh wa da pyntip da iwi tawon.