U President ka Mawlai People Grievances Forum, u Marbud Dkhar da ong u wa i chim ya ka dan wa heh da ka sorkar da pynku dor i ya i phniang kari (Petrol wa Diesel) iwa da pynchitom ya ki paidbah.
Da ong u wa u Prestone da klambeiñ u ya kiwa sikai skur deiwa pynbaad wa ka dan lai ko neibynta wow su ya ka tulop, deiwa kylli weileh ki paidbah ym jooh su ki mo ya ka bai skur?
Chooh chooh da ong u leh wa i suki ka sorkar da wanrah i ya i eh neibhah wa ha u Wisu (March) u 2020 i dor i Petrol toh T. 72 iwa mut da ku dor i phniang hadooh ynne da T. 18, katwa i pynduna won du T. 2, heiwa da pynrap u leh wa i leh ka sorkar toh wow pynbiej donhi ya ki paidbah.
Da ong u leh wa lada ka sorkar dang pteiñ ko wow suki, dawpteiñ bait ki ya i yakhih deiwa beiñ leh ya i klam u montri ka sorkar jylla, u Lahkmen Rymbui uwa da ong wa i dor Petrol dang duna i ha Meghalaya bar ya kiwi ki jylla.
