U President ka All Jaiñtia Cement & Clinker Transporter’s Association (AJCCTA), u Balen Thubru hawa yaklam wa kiwa pathai khubor ynne ka sngi da ong u wa ha ki snem wa dadep da jooh ujor mukotduma ki pyrchah ya ka sorkar jylla hajrong i em ki Weighbridge ha jylla kiwa da ktah bha ya ki tre truck.
Da ong u wa hadien wa da Register ya ka seiñ, da chong pyrkhat ko yei em ki Weighbridge kam ha Umtyra, Ynñiawmer wa ha Umling iwa da ktah joor ya ki tre truck wei hajrong ini ka sorkar Congress heitu i por da jubab ko wa katwa ympu em ka Entry/Exit da em kini ki Weighbridge.
Chooh chooh da ong u wa hadien wa u Montri ka sorkar pyrdi da ong u wa hapoh jylla em boon tylli ki Weighbridge wa man pyrchah ya ka aiñ wei hadien ini da yaklam ki para ki heiyatoh wa ka Weighbride wa em ha Jowai Bypass.
U Balen da ong u wa ka seiñ chirup wa kiwi ki Transporter daw chong yaklam ki ha Guwahati chwa ka 15 Khonchonglad (November) heiyatoh wa ka Weighbridge wa em ha Jowai Bypass wei kammon wow leh ya ka.
