Ka DC ka East Khasi Hills ynne da pynbna ko ya ki Magistrate ki wow khlieh yow pait wei pynbait yei thaw wa em kiwa chongdai madan kiwa da yabhah ha ki 10 tylli ki bynta (Zone) ha Shillong wei hapoh ki Magistrate da em leh ki sahep sorkar na kiwa boon ki chnat kam ka Urban Affairs, Shillong Municipal Board, PWD wa kiwi kiwi de.
Kini ki thaw wa da hap wow lai pait toh ha ka thaaiñ Motphran, Polo, Police Bazar, Civil Hospital, IGP Point, Barik Point, Laitumkhrah, Laban Last Stop, Rynjah, Nongmensong Point-Umkdait wa Madanrting Taxi Stand.
I kaam kini toh wow pait kiwon ki thaw wa khynnia neidaw wa em kiwa chongdai madan wa kiwa tyrwa dai cha rood sarok.
U pynbait yei rukom chongdai heitæ i rukom yow duna, u pynjngai uwi na uwi uwa chongdai, u pynkyllooid yow suk i lai i wan ki bru kamjooh ki kari.
U jied thaw cha wi lada ym ye u pynkyllooid deiwa ya krehlang wa u Syiem ka Hima Mylliem, ki waheh chnong katwa ye. Hap leh wow khana kammon hap u leh u bood yow tip kiwa mihkhmat ka seiñ kiwa chongdai madan.
Hawa leh ya ini waroh, toh u chim leh yei pyrtuid kiwa chongdai madan wa kiwa tyrwa mar cha sarok.
Ya ka bui (Report) toh u lai e cha ka DC hapoh ka 30 tarik uni u bnai.
